Lajme
Norvegjia kap udhëtarët zviceranë pas aterrimit dhe i kthen mbrapa
"Pesë vetë në aeroplanin zviceran u ndaluan dhe u kthyen mbrapsht" mund të lexohet në titullin e një gazete norvegjeze
Pesë pasagjerëve të kompanisë ajrore zvicerane Edelweiss iu refuzua të shtunën në mbrëmje hyrja në Tromsø të Norvegjisë.
Rregullat më të rrepta për koronavirusin kanë hyrë atje në fuqi që nga sot.
Rreth rastit ka reportuar mediumi norvegjez iTromsø, transmeton portali zviceran watson.ch. “Pesë vetë në aeroplanin zviceran u ndaluan dhe u kthyen mbrapsht” mund të lexohet në titullin e gazetës.
Një bashkëpunëtor i Watson shkruan se 109 pasagjerë duhej të kishin qenë në aeroplan, transmeton albinfo.ch. “Të tjerët u desh të karantinohen menjëherë.”
Zvicra tani konsiderohet një vend i “Listës së kuqe” në Norvegji.
“Nuk mund ta kuptojë pse Edelweiss u mundësoi këtyre pasagjerëve fluturimin deri në Tromsø”, shkruan personi në fjalë, i cili vetë jeton në Norvegji.
Zyra e mediave e kompanisë Edelweiss konfirmon rastin. Pasagjerët u bartën përsëri në Cyrih, sipas saj. Kthimi i menjëhershëm lidhet me “rregulloren e karantinës që ka filluar të zbatohet nga sot” nga Norvegjia për shtetasit zviceranë. Megjithatë, ne nuk dimë arsyet e sakta, përcjell albinfo.ch. Ju do të duhet të pyesni autoritetet norvegjeze “, thotë zëdhënësi, Andreas Meier.
Ministria e Jashtme Norvegjeze ka lëshuar një paralajmërim udhëtimi të enjten për disa vende lidhur me pandeminë koronavirus. Përveç Zvicrës, aty përfshihet edhe Republika çeke, Franca dhe Monako.
Hyrësit nga këto vende dhe disa rajone suedeze që janë të reja në Listën e Kuqe, duhet të kalojnë në karantinë në Norvegji për dhjetë ditë, përcjell albinfo.ch. Rregullorja hyri në fuqi natën e të shtunës.
Edelweiss thekson se ajo informon udhëtarët e saj përmes SMS, para nisjes, në lidhje me rregulloret e karantinës të vendeve të destinacionit. Ndërsa fakti nëse ata u përmbahen rregullave të hyrjes është përgjegjësi e pasagjerëve.
Të ngjashme
Të tjera nga Lajme
E-Diaspora
-
Rama diasporës në Itali: Shqiptarët, nga damka “e stato un albanese”, te shëmbëlltyra e ribashkimit europian Kryeministri Edi Rama, fjalimin në pallatin e sportit “Busto Arsizio” në Itali, e nisi me një...
-
Edhe këtë vit panairi “Gjergj Kastrioti Skënderbeu“ bashkoi shqiptarët e Amerikës
-
CIES: Xhaka, lojtar me ndikim, vlerësohet me 92.3 pikë
-
Xhaka e Gjimshiti, në ekipin më të mirë të Ligës së Evropës
-
Prokuroria zvicerane kërkon 16 vjet burg për Arditin që vrau gruan e tij, Besimen
Jeta në Zvicër
-
Zvicra mohon ultimatumet e samitit të paqes në Ukrainë Fokusi i konferencës së paqes në Ukrainë, të organizuar nga Zvicra, do të jetë në sigurinë...
-
Shaqiri i bashkohet Zvicrës më herët se që pritej
-
Pse zviceranët duan të punojnë më pak
-
TPG do të punësojë 200 shoferë
-
Të Gjelbrit nisin një iniciativë për lejen e zgjeruar prindërore