Kosova
Kosova, ndër shtetet e para në botë për numrin e vdekjeve në 1 milion banorë
Është bërë e ditur se Kosova vazhdon të ketë listën e zezë të koronavirusit për nga vdekjet. Me pak mbi 1.7 milionë banorë, në Kosovë kanë vdekur 365 persona si pasojë e COVID-19 dhe kjo e vë në krye të listës së vendeve për vdekje në një milion banorë, në shtatë ditët e fundit, transmeton albinfo.ch.
Sipas statistikave të fundit, Kosova deri më tash ka 214 vdekje për një milion banorë. Pas saj, sipas një liste që ka nxjerrë shkencëtari dhe kardiologu amerikan, Eric Topol, vijnë Peruja, Bolivia, Meksika, Panamaja, Brazili, Mali i Zi, Bosnjë e Hercegovina dhe SHBA-ja.
Në Kosovë deri më sot janë prekur me COVID-19 10.795 persona.
Nga ana tjetër, deputetja Mimoza Kusari nga radhët e Vetëvendosjes, ka shkruar se Kosova e vogël po prin me vdekje nga virusi në gjithë botën.
Postimi i plotë
Kosova e para në botë (prapë) për numrin e vdekjeve në 1 milion banorë nga virusi SARS-nCoV-2, pasuar nga Peruja, Bolivija, Meksika, Panamaja…
Kaq për menaxhimin e “mirë” nga juristi i LDK-së dhe lavdatat e kryetarit të tij për punën që po bëhet.
Kosova e vogël po prin me vdekje nga virusi. Pushtetarët po keqmenaxhojnë dhe po abuzojnë me testime në laboratoret private, duke rrezikuar ende më shumë jetën e qytetarëve, atyre që janë sëmurë, por edhe atyre të shëndoshë, të cilët si pasojë e alarmit kolektiv ia mësyn laboratorëve privatë, të cilët shumë shpejt mund të shndërrohen në burime të reja të infeksionit.
Të mos kesh legjitimitet politik është një e metë dhe dëm që i bëhet demokracisë. Por, të kesh deficit të përgjegjësisë njerëzore, morale dhe të kesh synim përfitimin në kurriz të qytetarëve në mes të pandemisë, është krim dhe shkelje e të drejtave njerëzore.
Sipas këtij grafikoni, po sqarohet kush është “xhelati” këtu.
Të ngjashme
Të tjera nga Kosova
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Fitimet e Bankës Kombëtare të Zvicrës kthehen në nivele rekord Përveç një fitimi prej 52.4 miliardë CHF në zotërimet e saj në valutë të huaj, SNB...
-
Komisioni zviceran kërkon që azilkërkuesit të deportohen në një vend të tretë
-
Mungesa e psikoterapistëve i lë fëmijët zviceranë në krizë
-
Frëngjishtja në rritje në qytetet dygjuhëshe të Zvicrës
-
A priten vonesa dhe tollovi në aeroportin e Cyrihut?