Merkel: Pandemia dhe ndryshimet klimatike do të ndryshojnë rrethanat për shumë njerëz në botë

KEYSTONE/EPA/JOHN THYS / POOL

Kancelarja gjermane, Angela Merkel, në një videoparalajmëroi përkeqësimin e situatës humanitare në të gjithë botën dhe theksoi se pandemia koronavirus dhe ngrohja globale ka të ngjarë të shkaktojnë emergjenca tjera.

“Ne duhet të kemi në mendje se pandemitë dhe ndryshimi i klimës do të ndryshojnë rrethanat për shumë njerëz në mbarë botën,” tha Merkel në fjalimin e saj, përcjell albinfo.ch.

Si një vend, është e rëndësishme të mobilizoni shpejt ndihmat humanitare, shtoi ajo.

Merkel përmendi si shembull operacionin e Bundeswehr dhe punën e Agjencisë Federale për Ndihmë Teknike (THW) në Liban, pas një shpërthimi në një port në Bejrut që vrau 178 njerëz dhe plagosi të paktën 6.000.

Shpërthimi tregoi se si një krizë mund të zhvillohet jashtëzakonisht shpejt, tha kancelarja gjermane.

Referuar Ditës Botërore për Ndihmë Humanitare – 19 Gusht, Merkel theksoi rëndësinë e mbrojtjes së punonjësve të cilët ofrojnë ndihmë.