Lajme

OBSH: Situata me Covid mund të përkeqësohet

E hënë, 14 Shtator 2020 - 19:50 albinfo.ch

Evropa rrezikon të përballet me rritje të numrit të viktimave nga koronavirusi gjatë muajve tetor dhe nëntor, deklaroi Organizata Botërore e Shëndetësisë.

“Situata do të përkeqësohet. Në muajt tetor dhe nëntor ne do të përballemi me rritje të mortalitetit”, tha drejtori i zyrës së OBSH-së për Evropë, Hans Kluge.

Kontinenti mund të përballet me rritje ditore të vdekjeve, paralajmëroi organizata, shkruan tch, përcjell albinfo.ch.

“Gjendemi në një situatë ku vendet nuk dëshirojnë t’i dëgjojnë lajmet e këqija, mirëpo e kuptoj plotësisht”, tha Kluge.

Bëhet e ditur se 55 vendet anëtare të OBSH-së në Evropë do të mbajnë një mbledhje ‘online’ të hënën dhe të martën, për të diskutuar për sa i përket situatës së menaxhimit të pandemisë së koronavirusit.

“Disa mendojnë se vaksina do t’i japë fund pandemisë, sigurisht që jo”, u shpreh drejtori i OBSH-së.

“Ne nuk e dimë nëse vaksina do të funksionojë te të gjitha grupet e popullatës”, theksoi Kluge.

 Të ngjashme

OBSH: Rastet me COVID-19 janë trefishuar në të gjithë Evropën

 Të tjera nga Lajme

Gjenevë: 50 km/orë do të mbetet në akset kryesore

 E-Diaspora

 Jeta në Zvicër