Lajme
OBSH: Nuk ka nevojë për vaksinime masive kundër lisë së majmunit

Një zyrtare e lartë e Organizatës Botërore të Shëndetësisë (OBSH) ka thënë se nuk ka nevojë për vaksinime masive kundër virusit të lisë së majmunit që aktualisht ka prekur disa pjesë të botës, shkruan AA, përcjell albinfo.ch
Sylvie Briand, drejtoresha e Përgatitjes dhe Parandalimit ndaj Epidemive dhe Pandemive në OBSH, iu drejtua konferencës së posaçme për vendet anëtare të organizatës në Asamblenë e 75-të Botërore të Shëndetësisë mbi “Shpërthimin e lisë së majmunit në shumë vende”.
“Kjo është një sëmundje zoonotike, që do të thotë se transmetohet nga kafshët. Por për fat të keq, ne nuk e dimë ende se cili është rezervuari i kafshëve për këtë virus”, ka thënë ajo.
Briand theksoi se sëmundja është endemike në më shumë se nëntë vende në Afrikë, ku ka pasur shpërthime në vitet e fundit.
“Ne jemi këshilluar deri më tani se nuk ka nevojë për vaksinim masiv dhe nuk ka nevojë për fushata të mëdha imunizimi”, shtoi ajo.
Ajo vuri në dukje se rreth 200 raste janë raportuar deri më tani në të gjithë botën dhe u shpreh se numri mund të rritet në ditët në vijim pasi ky është “vetëm fillimi i kësaj ngjarjeje”.
“Ne nuk rekomandojmë ndalime apo kufizime të udhëtimit dhe duhet të vazhdojmë të komunikojmë për atë që dimë se çfarë po bëhet dhe të sigurojmë vërtet publikun. Çështja është se ne duhet vetëm të marrim masat e duhura”, shtoi zyrtarja e OBSH-së, përcjell tutje albinfo.ch
E-Diaspora
-
Kur e qeshura bëhet atdhe – “Luli & Goni Lemes”, me premierë në Zvicër Luli & Goni Lemes” nuk është thjesht një film me batuta. Përveç të qeshurave, filmi do...
-
Policia austriake zbulon shkelje të shumta në furrat e bukës me pronarë nga Ballkani
-
Pjesë e orës së mësimit për nxënësit shqiptarë në Romë u bë edhe Çiftelia
-
Vrau 39-vjeçarin shqiptar me thikë në Itali, lirohet i mituri
-
Një dritare e re për gjuhën shqipe në Zvicër, hapet klasa e re në Buchrain të Lucernit
Jeta në Zvicër
-
Rreth 23 milionë lepurushë çokollate të prodhuar në Zvicër për Pashkë Sipas federatës së prodhuesve zviceranë të çokollatës, Chocosuisse, këtë vit në Zvicër janë prodhuar rreth 23...
-
Çfarë mbulon sigurimi shëndetësor në Zvicër për kujdesin ndaj shëndetit mendor?
-
Rregullimi i platformave online në Zvicër shtyhet sërish – kritika për vonesën
-
Nëse trashëgoni mbi 40 mijë franga në Zvicër, duhet të ktheni ndihmat shtesë
-
Gjashtë fakte të vështira që duhet të dinë të huajt që kërkojnë punë në Zvicër