Piktorja kosovare përdor “zallin” e Kosovës në atelienë e saj në Vjenë

Atelieja e piktores kosovare, Albana Ejupi, e cila jeton në Vjenë sot ishte mikpritëse e ambasadorit të Kosovës në Austri, Lulzim Pllana. I shoqëruar edhe nga sekretarja e parë e ambasadës, Shkurte Krasniqi, ambasadori Pllana u njoftua me pikturat e artistes shqiptare në një prej galerive më me emër në Vjenë “Lukas Feichtner”, raporton Albinfo.ch

Piktorja Ejupi tregoi se si është të jesh një artiste e re në qytetin e Vjenës, me gjithë potencialin që ka si kryqendër e artit.

Ajo e njoftoi ambasadorin se me shumë krenari në pikturat e saj përdor zallin e Kosovës, ku dhe cilësohet unike me përdorimin e materialeve të ndryshme në pikturë.

Me anë të kesaj vazhdon të bëjë shpalosjen e prejardhjes së saj me kultivimin dhe prezantimin e vendit përmes krijimit artistik.

Në mesin e shumë ekspozimeve ndërkombetare , mundësinë e punës nga afër do ta kemi rastin ta shohim në ekspozitën e dytë personale në Vjenë, me datën 20 tetor 2020 në Galerinë “Lukas Feichtner”.