Lajme

Suedia me numër rekord ditor të të infektuarve, ndërsa Italia me numër të viktimave

E martë, 27 Tetor 2020 - 22:45 albinfo.ch

Keystone (Fredrik Sandberg/TT News Agency via AP)

Strategjia pandemike e Suedisë ka tërhequr vëmendjen globale. Në këtë shtet sot janë regjistruar 1,870 raste të reja të koronavirusit, numri më i lartë që nga fillimi i pandemisë, sipas të dhënave nga Agjencia Suedeze e Shëndetit Publik.

Kjo rritje krahasohet me 1.698 raste të reja ditore që ishin regjistrzar në fund të qershorit. Agjencia tha se kulmi gjatë pranverës ishte ndoshta shumë më i lartë, por nuk kishte testime të mjaftueshme.

Në Itali ndërkohë, gjatë 24 orëve të fundit janë shënuar plot 21 994 raste të reja me koronavirus që janë raportuar 221 viktima, shifra më e lartë e javëve të fundit.