BE do të ‘intensifikojë bashkëpunimin’ me qeverinë e re të SHBA-së

BE “është gati të intensifikojë bashkëpunimin” me administratën e re të SHBA-së, ka thënë presidentja e Komisionit Evropian.

Ursula von der Leyen tha në një deklaratë me video se SHBA dhe BE ishin “miq dhe aleatë” dhe tha se zgjedhjet presidenciale në SHBA ishin një “moment me rëndësi edhe në këtë anë të Atlantikut”.

Von der Leyen përgëzoi Presidentin e zgjedhur Joe Biden dhe Zëvendës Presidenten e zgjedhur Kamala Harris dhe tha se ajo priste të punonte me ta në “sfidat e ngutshme globale”.

Ato përfshijnë pandeminë, ndryshimin e klimës, rregullimin dixhital dhe sigurinë globale, tha ajo. Shumë udhëheqës botërorë kanë qenë të shpejtë për të përgëzuar administratën në hyrje. Von der Leyen e quajti partneritetin SHBA-BE “të pashembullt”, duke deklaruar se ai ishte i rrënjosur në “historinë e përbashkët dhe vlerat e përbashkëta të demokracisë, lirisë, sundimit të ligjit, respektimit të të drejtave të njeriut, drejtësisë sociale dhe një ekonomie të hapur”.

Kancelarja gjermane Angela Merkel gjithashtu e përgëzoi presidentin e zgjedhur, duke deklaruar se “miqësia transatlantike është e domosdoshme nëse duam të merremi me sfidat kryesore të kohës sonë”, shkruan euronews, përcjell albinfo.ch