Lajme
Shpërblimi prej 100 frangash për gjetësin e parave kritikohet si koprraci
Sipas mendimit të tij, nuk është në rregull të dërgosh në polici diçka që ke gjetur, me shpresën se do të marrësh një shpërblim të lartë
Rasti i shqiptarit me prejardhje nga Kosova, Eduardt Latifi, i cili ka dorëzuar në polici një shumë të hollash që ka gjetur në rrugë ka bërë bujë të konsiderueshme në mediat zvicerane.
Por, pas jehonës së parë, pozitive dhe komplimenteve për Eduardin, ajo që tani po diskutohet është shuma modeste, 100 franga, të cilën ja ka dhënë gjetësit si shpërblim, gruaja që kishte humbur paratë, shkruan albinfo.ch.
Kështu, lexuesit e 20minuten.ch po zhvillojnë një debat të gjallë në lidhje me rastin. Disa pranojnë hapur në komentet e tyre se ata vetë do t`i mbanin paratë e gjetura, duke marrë kështu në konsideratë edhe kryerjen e një vepre penale.
Por në shumicën e komenteve, Latifi merr lëvdata për ndershmërinë e tij, transmeton albinfo.ch. Ai përshkruhet si një “model i shkëlqyeshëm” ose “njeri i ndershëm” etj. Dikush komenton: “Ai patjetër që meriton respektin tim. Në lidhje me shumën e shpërblimit për gjetësin, mendoj se ajo mund të ishte më e përshtatshme “.
Kështu reagojnë shumica. Ata besojnë se shpërblimi prej 10 për qind të shumës së gjetur do të kishte qenë më adekuat. Të kujtojmë: Fillimisht flitej për 9.000 franga (më vonë u sqarua se bëhej fjalë për 6.200 franga), me ç`rast shpërblimi prej 100 frangash për gjetësin i binte të jetë vetëm rreth një për qind. “Të turpshme” ose “koprrace” e quajnë shumica këtë veprim, përkatësisht gruan që ka vepruar kështu, përcjell albinfo.ch. Të tjerë thonë se megjithatë, edhe 100 franga është një shumë e respektuehsme.
Policia: “Shpërblimi për gjetësin ndoshta nuk është i përshtatshëm”
Shuma e shpërblimit për gjetësin e parave nuk rregullohet me ligj në Zvicër. Kodi Civil Zviceran përmend vetëm një “shpërblim të duhur/adekuat për gjetësin”. Andy Theler, zëdhënës i policisë kantonale të Thurgaut, thotë: “Me një shumë prej 6200 franga, 100 franga ndoshta nuk është shpërblimi i duhur për gjetësin. Përvoja tregon se shpërblimi në raste të tilla zakonisht është rreth pesë deri në dhjetë për qind të shumës së gjetur”.
Ndërsa vetë Eduardt Latifi thotë: “Kur i gjeta paratë, nuk mendova për asnjë sekondë për shpërblimin që mund të më takojë si gjetës, transmeton albinfo.ch. Thjesht doja t`i çoja në polici sa më shpejt që të ishte e mundur”. Sipas mendimit të tij, nuk është në rregull të dërgosh në polici diçka që ke gjetur, me shpresën se do të marrësh një shpërblim të lartë. Ai thjesht donte që çanta e gjetur me para, t’i kthehej pronarit. I pyetur për shumën prej 100 franga, ai thotë: “Edhe tani nuk më intereson nëse janë 10, 50 apo 100 franga apo thjesht, një çokolatë si falënderim. Do të mirëprisja një telefonatë personale nga pronarja”.
E-Diaspora
-
Shqiptari plagos rëndë shqiptarin në Belgjikë Policia belge së fundmi ka raportuar një atentat me armë zjarri, i cili dyshohet se është...
-
Duesseldorf
Welt: Shqiptari dyshohet se vrau pronarin e lokalit në Gjermani shkaku i borxheve të bixhozit
-
Mes një mijë konkurrentëve, shqiptarja fiton çmimin e tretë në finale e madhe të “Sanremo Junior”
-
Osmani: Mërgata, urë lidhëse mes Kosovës e Zvicrës
-
Floriani 10 vjeçar bën selfie me Xhakën, i kushtoi babait të tij 2600 franga
Jeta në Zvicër
-
Floriani 10 vjeçar bën selfie me Xhakën, i kushtoi babait të tij 2600 franga Floriani i vogël (10) është një tifoz i madh i Granit Xhakës: Nëntorin e kaluar, ai...
-
Pse 1 Maji nuk është festë publike kudo në Zvicër?
-
E hëna në Zvicër: Përmbledhje e lajmeve më të fundit
-
Çfarë do të votohet në Cyrih më 9 qershor?
-
Rriten rastet e abuzimit psikologjik të fëmijëve në Zvicër