Aeroportet shtojnë sigurinë për mbrojtjen e vaksinave COVID-19

Aeroportet nëpër botë po këshillohen të rrisin sigurinë për të mbrojtur dërgesat e vaksinave COVID-19 mes paralajmërimeve të policisë për shënjestrimin e mundshëm nga rrjetet kriminale.

Rekomandimi nga një organ global i aeroporteve vjen përderisa kompanitë farmaceutike dhe linjat ajrore po kryejnë operacionin më të madh logjistik të llojit të tij për shpërndarjen e vaksinave të krijuara për të luftuar pandeminë globale.

“Natyra e ndjeshme e vaksinave, niveli i lartë i kërkesës dhe furnizimi fillestar i shkurtër ka potencialin për të gjeneruar një vëmendje nga persona ose grupe me qëllim të keq”, tha një zëdhënës, shkruan “Reuters”, përcjell albinfo.ch.