Ky kanton nga nesër lejon ushqimin për pushuesit, ulur në terracat me diell

Në Nidwalden, skiatorët mund të konsumojnë ushqimin në tryezë, në terraca me diell

Në zonat e skijimit në  kantonin Nidwalden, duke filluar nga nesër, bizneset e ushqimit Take-Away do të kenë të drejtë t’u ofrojnë klientëve të tyre përsëri vende për t`u ulur dhe të shërbejnë alkool.

Këtë njoftim e ka bërë sot departamenti i shëndetësisë dhe i çështjeve sociale në nivel të kantonit.

Më së shumti katër persona mund të ulen në një tryezë ndërsa  distanca midis tavolinave duhet të jetë dy metra.

Vizitorët lejohen të heqin maskën vetëm pasi të jenë ulur dhe duhet të lirojnë vendin shpejt pas konsumimit, thuhet në komunikatë, transmeton albinfo.ch.

Departamenti i shëndetësisë arsyeton këtë relaksim me numrin e qëndrueshëm gjegjësisht jo në rritje të infeksioneve në kanton.

Sipas tij është treguar gjithashtu se sportet e dëborës nuk e kanë rritur barrën në spitalin e kantonit.

Përveç kësaj, falë ulëseve, fluksi i njerëzve rreth zonës së marrjes së ushqimit me vete mund të përmirësohet.

Vizitorët edhe më tutje do të lejohen të futen në restorant vetëm për t’u ngrohur ose kur duhet të shkojnë në tualet, por jo për të ngrënë ose pirë.

---