Qyteti me temperaturën –50 gradë kandidon për Olimpiadën e vitit 2032

Mira Kemppainen @mirakemppainen

Një iniciativë interesante, pavarësisht shumë pafavoreve që ka qyteti me tempertura të ulta, deri në -50 gradë, transmeton albinfo.ch.

Deri më tani i kanë bërë të gjitha gjërat si duhet: Kanë kryer prezantimin, kanë një logo, maskotën dhe përmes një konference për shtyp të kryetarit të Bashkisë kanë konfirmuar kandidaturën për të organizuar Lojërat Olimpike të vitit 2032.

Duhet theksuar se kandidatura nuk është dërguar ende në zyrat e IOC (Komitetit Olimpik Ndërkombëtar), pasi zyrtarisht gara hapet në vitin 2023.

Bëhet fjalë për qytetin finlandez të Salla, që kërkon të lëshojë edhe një mesazh e tërheqë vëmendjen e botës: Stop ngrohjes globale. Kryetari i Bashkisë së Salla, Erkki Parkkinen, ka folur për mediat për këtë ide: “Ideja është e qartë, ne duam që qyteti i Salla të qëndrojë ashtu si është, me dimrin e ftohtë. Sezoni veror tek ne sa vjen e bëhet më i ngrohtë, ndërsa sezoni dimëror sa vjen e shkurtohet”.

Në qytetin e Salla temperatura gjatë dimrit shko deri në -50 gradë celcius, duke qenë një nga zonat më të ftohta në botë.

“Nëse Salla është vendi më i mirë për të mikpritur Lojërat e vitit 2032, do të thotë se temperatura nuk ka reshtur të rritet dhe se klima po ndryshon shumë shpejt”, tha Parkkinen. Ai ka treguar edhe një video, ku tregon ndryshimet klimatike në këtë qytet gjatë viteve të fundit.