VV: 2500 komisionarë dhe 6000 vëzhgues janë angazhuar për zgjedhjet

Lëvizja Vetëvendosje ka angazhuar 2500 komisionarë e 6000 vëzhgues për zgjedhjet e 14 shkurtit, transmeton albinfo.ch.

Ata thanë se këta të angazhuar do të përkujdesen “që të mos vidhet asnjë votë”.

“Edhe vëzhguesit e huaj, mediat, por edhe të gjithë qytetarët kësaj radhe do të jenë të gatshëm për të ndihmuar që asnjë votë të mos vidhet”, thuhet në njoftim.

Ky subjekt politik paralajmëron fitoren, duke thënë se “asgjë nuk i është lënë rastësisë, sepse do të jetë një ditë e madhe e një fitoreje të jashtëzakonshme”.