Targat “KS” hiqen nga përdorimi

Është marrë vendim që targat KS të eliminohen tërësisht nga përdorimi, përcjell albinfo.ch.

Sipas vendimit thuhet se deri më datën 14 shtator të këtij viti, asnjë automjet i regjistruar në Republikën e Kosovës nuk do të shihet më me targa KS – ato do të zhduken dhe po zëvendësohen me targa RKS.

Kjo pasi mbaron marrëveshja pesëvjeçare e nënshkruar më 2016 ndërmjet zyrtëve të Kosovë e Serbisë në Bruksel.

Duhet theksuar se marrëveshja e nënshkruar asnjëherë nuk u respektua jo vetëm nga Serbia, e cila nuk lejonte mjetet me targa RKS të lëvizin nëpër Serbi, por as nga Kosova, e cila nuk bëri reciprocitet ndaj shteti fqinj me heqjen e targave serbe gjatë lëvizjes nëpër Kosovë dhe pajisjen me targa letre proba.

Drejtori i Agjencisë së Regjistrimit Civil, Bekim Hoxha, thotë për “Syri.net” se targat KS janë duke u hequr nga automjetet, të cilat po regjistrohen dhe deri më 14 shtator do të hiqen të githa.

Ai tregoi se kjo po bëhet në kudër të marrëveshjes së Brukselit, e cila ka nisur së zbatuari më 14 shtator 2016 dhe e cila përfundon më 14 shtator 2021.

Numri i automjeteve të regjistruara me targa KS kishte kaluar mbi 35 mijë dhe nga 14 shtatori kur u kalon regjistrimi u merren targat KS e u jepen RKS.

Nga ky institucion tregojnë se atuomjeteve KS, të cilave u skandon regjistrimi, u merren targat e vjetra dhe u lëshohen të reja.

Edhe Ministria e Punëve të Brendshme thonë se pronarët e automjeteve në Kosovë obligohen t’i ndërrojnë targat KS me ato RKS.

“Të gjithë pronarët e mjeteve që posedojnë targa KS me rastin e vazhdimit të regjistrimit të mjetit, obligohen që targat KS t’i ndërrojnë me targa RKS, sipas procedurave për vazhdimin e regjistrimit të mjetit dhe duke u bazuar në vendimin Nr.012/2020 të datës 10.01.2020 për caktimin e tarifave”, thuhet në njoftimin e MPB-së.