Nëntë viktima dhe 476 raste të reja me COVID-19 në Maqedoni

KEYSTONE/EPA/GEORGI LICOVSKI

Ministria e Shëndetësisë informon se në 24 orët e fundit janë kryer 2.863 teste, ndërsa janë regjistruar 476 raste të reja me COVID-19, njofton Telegrafi Maqedoni.

Në Shkup – 221, Prilep dhe Kavadar nga 31, Ohër – 24, Veles – 23, Kumanovë – 20, Tetovë – 12, Manastir – 11, Dellçevë – 9, Strumicë, Koçan, Gjevgjeli, Negotinë dhe Resnjë nga 8, Kriva Pallankë – 7, Gostivar dhe Kërçovë nga 6, Shtip, Strugë, Probishtip dhe Krushevë nga 5, Radovish, Berovë, Vinicë, Vallandovë, Demir Hisar dhe Kratovë nga 2, Makedonski Brod, Dibër dhe Dojran nga 1.

Janë raportuar gjithsej 9 viktima. 4 pacientë nga Shkupi (53, 67, 68, 74), dhe nga një në Prilep (68), Veles (75), Ohër (72), Strumicë (81), Koçan (63). Të gjithë pacientët vdiqën në spital.

Numri i përgjithshëm i personave të diagnostifikuar me COVID-19 në vendin tonë që nga fillimi i epidemisë është 95.347.