Kandidatët për deputetë me më së paku vota

Foto Ilustrim

Është bërë e ditur se rreth katërmbëdhjetë kandidatë për deputetë nga subjekte të ndryshme politike nuk kanë arritur të marrin as nga dhjetë vota, transmeton albinfo.ch.

Madje, ka kandidate për deputete që ka marrë vetëm dy vota.

Sipas rezultateve përfundimtare të KQZ-së, Valbone Kryeziu, nga Partia e Ashkalinjve për Integrim, ka marrë vetëm 2 vota. Po ashtu nga kjo parti është Remzije Arifi, e cila ka marrë 3 vota, si dhe Nebahate Kurteshi 3 vota.

Katër vota nga kjo parti ka marrë Fatime Osmani, aq sa ka marrë edhe Xhevahire Krasniqi nga Lëvizja për Bashkëveprim.

Nga ana tjetër, Elvan Galushi-Elshani nga Partia e Ashkalinjve për Integrim, ka marrë 5 vota. Nga kjo parti ka marrë vetëm 7 vota Mejreme Berisha, aq sa ka marrë edhe Drinor Elshani nga Partia Liberale Egjeptiane.

Nga tetë vota kanë marrë Xhulsume Ademi nga Partia e Ashkalinjve për Integrim, Naser Bajrami nga Lëvizja për Bashkëveprim, Nazmie Ramadani dhe Gylxhan Qukani nga Partia Demoratike e Ashkalinjve të Kosovës.

Kurse, nga nëntë vota kanë marrë Ahmet Podrimja nga Partia e Ashkalinjve për Integrim, Bahtir Kelmendi nga Partia Liberale Egjiptiane dhe Myrvete Salihu nga Partia Fjala.