Konfirmohet mbështetja e dy deputetëve nga pakicat për Vetëvendosjen

Lëvizja Vetëvendosje ka arritur të sigurojë 58 ulëse në Kuvendin e Kosovës, duke qenë kështu shumica më e madhe në Parlament për këtë legjislaturë, transmeton albinfo.ch.

Për mediat kosovare, Elbert Krasniqi dhe Emilia Rexhepi e kanë konfirmuar që do të mbështesin dhe do t’i bashkohen VV-së.

“Ne kemi vepruar bashkë në grupin parlamentar në legjislaturën 7, kemi bërë fushatën bashkë edhe do të jemi edhe në qeveri bashkë, kështu që unë do ta mbështes VV-në”, ka deklaruar Krasniqi.

Nga ana tjetër, Emilia Rexhepi ka thënë po ashtu se e kanë mbështetur këtë parti që nga fillimi.

“Na prej fillimi kur patëm votuar Qeverinë Kurti, kemi pasur strategji për komunitetet, unë për komunitetin boshnjak, edhe vazhdojmë të kemi marrëvveshje edhe tash në Qeverinë e rë. Ende s’kemi folur për Ministri, po besoj që do të kemi Minsitrinë e Komuneteve”, ka thënë Rexhepi për Infokus. /Albinfo.ch