Lajme
Tërmet i fuqishëm në Zelandën e Re, magnituda 8.1 ballë
Një tërmet me magnitudë 8.1 ballë u regjistrua në brigjet e Zelandës së Re, 960 kilometra nga Tonga dhe në një thellësi prej dhjetë kilometrash. Menjëherë pas njoftimit, qindra njerëz u larguan nga zonat bregdetare të veriut të ishullit pas alarmit për cunami.
Alarmi për cunami u dërgua në të gjithë Paqësorin dhe që parashikonte dallgë të jashtëzakonshme drejt Australisë, Hawaiit, Fixhit, Samoas, Kolumbias, Ekuadorit, Kosta Rikas dhe Meksikës. Por pas kalimit të dallgëve më të mëdha, banorët u lejuan të kthehen në shtëpitë e tyre.
“Valët më të mëdha kanë kaluar, paralajmërimi për tsunami ka mbaruar dhe për këtë arsye është e mundur të ktheheni në shtëpitë tuaja në Zelandën e Re”, njoftoi Ministri i Zelandës së Re i Konservimit të Trashëgimisë Natyrore, Kiri Allan.
Janë regjistruar tri tërmete, i pari me magnitudë 6.9 ballë, i dyti larg në det të hapur me magnitudë 7.1 dhe së fundmi i treti me magnitudë 8.1 ballë pranë ishujve të pabanuar të Kermadec. Në këtë zonë, rreth një mijë kilometra larg brigjeve të Zelandës së Re, janë raportuar lëkundje të tjera të forta, më e fundit me magnitudë 6.1 ballë.
Paralajmërimi për cunami preku edhe Kaledoninë e Re, ku Mbrojtja Civile kishte lëshuar alarmin për “një valë nga një në tre metra”, duke u bërë thirrje njerëzve të largoheshin nga plazhet dhe të ndalonin të gjitha aktivitetet e varkave.
E-Diaspora
-
Detaje nga rasti kur një shtetas nga Kosova vrau pronarin e biznesit në Dyseldorf Një vrasje me armë zjarri është regjistruar dje në qytetin e Dyseldorfit në Gjermani. Mësohet se...
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
Jeta në Zvicër
-
Pse 1 Maji nuk është festë publike kudo në Zvicër? Dita Ndërkombëtare e Punëtorëve shënohet më 1 maj, por vetëm disa pjesë të Zvicrës e festojnë...
-
E hëna në Zvicër: Përmbledhje e lajmeve më të fundit
-
Çfarë do të votohet në Cyrih më 9 qershor?
-
Rriten rastet e abuzimit psikologjik të fëmijëve në Zvicër
-
Zvicër: Priten qira akoma më të shtrenjta gjatë vitit të ardhshëm