Maqedonia
Bllokohet puna në Parlamentin e Maqedonisë
Shumica e brishtë parlamentare dhe mungesa e opozitës në sallën e Kuvendit së fundmi ka penguar miratimin e 68 ligjeve në Kuvendin e Maqedonisë së Veriut.
Partitë opozitare shqiptare ASH-Alternativa kanë vendosur që me qindra e mijëra amandamente të vazhdojnë të pengojnë miratimin e ligjeve, pasi insistojnë për dakordim me shumicën rreth propozim ligjit të tyre për shtetësi. Koordinatori i grupit parlamentar të koalicionit opozitar, Skender Rexhepi-Zejdi, thotë se opozita është e interesuar që të zgjidhet bllokada e punës së Kuvendit, por me një marrëveshje të përbashkët. Nuk është me rëndësi mënyra dhe nga kush zgjidhet bllokada, por se qenësore për ata është që qytetarët të realizojnë të drejtën e tyre për shtetësi, thotë Rexhepi, raporton DW, përcjell Albinfo.ch.
“Për ne është me rëndësi të zgjidhet çështja e shtetësisë, kjo mund të bëhet me marrëveshje në kuadër të Kuvendit, por mund të bëhet edhe më takim liderësh. Për ne është me rëndësi që qytetarët të realizojnë të drejtën e tyre për shtetësi”, thotë Rexhepi.
Integristët të interesuar për zhbllokimin e Kuvendit
Kryetari i BDI-së, Ali Ahmeti, është shprehur i gatshëm të ulet dhe të bëjë kompromis me opoziten shqiptare për ta zhbllokuar punën e Kuvendit. Sipas tij, shumica parlamentare është stabile, Kuvendi po funksionon, por ka disa ligje që janë bllokuar në komisione, të cilat drejtohen nga opozita.
“Shumica parlamentare është stabile, nuk ka asnjë shqetësim. Disa ligje janë bllokuar në komisione të cilat drejtohen nga opozita, kjo nuk është mirë, ligjet duhet të miratohen. Ne jemi të hapur, në demokraci postulat kryesor është negociata, kompromisi, dialogimi, asnjëherë nuk i shmangemi këtij postulati”, është shpreh lideri i BDI-së, Ali Ahmeti.
Zaev: Nëse është nevoja, do të zhvillojmë takim liderësh
Kryeministri i Maqedonisë së Veriut, Zoran Zaev, ka shprehur gatishmëri për mbajtjen e një takimi të liderëve të partive parlamentare. Përveç partive në opozitë, ai ka thënë se është i gatshëm të ulet edhe me partitë më të vogla të përfaqësuara në Kuvend për të tejkaluar të gjitha dallimet dhe mosmarrëveshjet.
“Amendamentet e opozitës kanë bllokuar punimet e Kuvendit. Kuvendi është vend ku duhet të bisedohet dhe zgjidhen mosmarrëveshjet, në rast se ka nevojë për takim liderësh edhe atë do ta bëj, do të thërrasë takim liderësh, edhe me opozitën maqedonase edhe me opozitën shqiptare. Bllokimi i Kuvendit dëmton interesat e qytetarëve, këtë nuk duhet ta lejojmë”, është shprehur kryeministri Zaev.
Kryetari i Aleancës për Shqiptarët, Ziadin Sela, e kundërshton takimin e liderëve, sipas tij, zhbllokimi i ligjeve do të bëhet vetëm në rast se zhbllokohet ligji për shtetësi.
“Nuk mendoj se ka nevojë për takim liderësh. Nuk e di pse duhet të ketë nevojë për një gjë të tillë. Le të hiqet bllokimi për ligjin për shtetësi, atëherë edhe ne e bëjmë të njëjtën”, ka thënë Sela.
Me kushtëzime nuk zgjidhen mosmarrëveshjet
Qeveria e kryeministrit Zoran Zaev po përballet me mungesën e numrave në Kuvend në miratimin e ligjeve. Thirrja e kryeministrit Zoran Zaev për një takim liderësh, në të cilin do të kërkohej një zgjidhje për tejkalimin e krizës politike në Kuvend dhe shqyrtimin e mundësisë për një qeveri të zgjeruar, nuk mund të japë rezultate konkrete, vlerësojnë analistët.
Maqedonia e Veriut po përballet me një situatë, në të cilën ka një pushtet të dobët dhe një opozitë akoma më të dobët, thotë analisti Agim Jonuz.
“Nuk besoj se kryeministri Zaev ka qëllime fisnike për të ndihmuar vendin duke e përfshirë opozitën në qeveri, më shumë besoj se Zaev kërkon bashkëpjesëmarrës për përgjegjësinë e tragjedisë aktuale, e cila rritet çdo ditë e më shumë”, thotë Agim Jonuz.
Analisti Mersel Bilalli thotë se faktorë relevantë të huaj janë të mendimit se qeveria nuk ka kapacitet t’i çojë përpara ligjet kryesore reformuese, dhe aq më pak t’i zbatojë të njejtat. Sipas tij, vendi do të fitojë një qeveri ekspertësh dhe se nuk do të shkojë në zgjedhje të parakohshme parlamentare.
“Jemi në prag të zhvillimeve interesante që do të ndodhin gjatë muajve të ardhëshëm. Faktori i jashtëm do të dalë me ofertë serioze për një qeveri të zgjeruar ekspertësh, por me mbështetje të politikës vendore”, thotë Bilalli.
Të tjera nga Maqedonia
E-Diaspora
-
Osmani: Shqiptarët e Amerikës, ura më e fuqishme e aleancës Kosovë-SHBA Në kuadër të qëndrimit të saj në Teksas të SHBA-së, presidentja e Kosovës, Vjosa Osmani, ka...
-
Besa Kokëdhima ndez skenën e Eurovision-it në Malmo të Suedisë
-
Klesta Krasniqi zgjedhet këshilltare komunale në Lausanne
-
Shuma që shpenzoi mërgimtari për shtatoren e Skënderbeut në Gjakovë
-
Integrimi: Hapi i parë, si ta thyejmë izolimin
Jeta në Zvicër
-
Nemo performoi për Zvicrën në Eurovision 25-vjeçari zviceran Nemo performoi në skenën e Eurovisionit në Malmo të Suedisë, duke përfaqësuar Zvicrën me...
-
A mund të bëhen gratë pjesë e Gardës Zvicerane?
-
Fushata kundër ligjit për energjinë elektrike: Dhurohen 180,000 franga në mënyrë anonime
-
Rezervime të vështira dhe përpikëri të pasigurt, treni i natës nuk përmbush pritshmëritë
-
A do të vizitohet Zvicra nga “Shenjtorët e Akullit” këtë vit?