Lajme

Në Britaninë e Madhe janë vaksinuar mbi 25 milionë njerëz

Kjo është pothuajse gjysma e popullsisë së rritur, thuhet në komunikatën e publikuar të mërkurën, nga Ministria e Shëndetësisë

E mërkurë, 17 Mars 2021 - 20:02 albinfo.ch

Keystone

Në Mbretërinë e Bashkuar, më shumë se 25 milionë njerëz tashmë kanë marrë dozën e parë të vaksinës kundër koronavirusit.

Kjo është pothuajse gjysma e popullsisë së rritur, thuhet në komunikatën e publikuar të mërkurën, nga Ministria e Shëndetësisë.

“Ky hapi i madh i fundit është një arritje e pabesueshme”, ka shkruar kryeministri Boris Johnson, shkruan srf.ch.

Sekretari i Shëndetësisë, Matt Hancock ka theksuar: “Kjo është një detyrë kombëtare, një nga detyrat më të mëdha logjistike që nga Lufta e Dytë Botërore, dhe unë falënderoj të gjithë ata që janë përfshirë në të”.

Në ndërkohë, të gjithë personat mbi 50 vjeç thirren gjithashtu të vaksinohen, transmeton albinfo.ch. Kjo do të thotë që qeveria është shumë përpara në programin e saj për t’i ofruar kësaj grupmoshe dozën e parë deri në mes të prillit.

Sipas këtij programi, të gjithë të rriturit duhet të kenë mundësi të vaksinohen deri në fund të korrikut.