Lajme

Mbi 1.000 veta marshojnë në Winterthur kundër “diktaturës së vaksinimit”

"Pandemia" e Coronës është një master plan për vendosjen e diktaturës dixhitale", mund të lexohej në një pankartë, përveç tjerash

Mbi njëmijë kundërshtarë të masave mbrojtëse të koronës janë mbledhur në Winterthur (ZH) pasdite për një tubim të miratuar nga policia, raporton srf.ch.

Thirrjen për pjesëmarrje në këtë tubim protestues e kishin bërë ndër të tjerët edhe grupimi i njohur me emrin “Freiheitstrychler”, pjesëtarët e të cilit u kujdesën edhe për sigurimin e aktivitetit, transmeton albinfo.ch.

Demonstruesit, përfshirë shumë fëmijë, janë mbledhur pas orës 13 në Neumarkt në Winterthur, për të protestuar kundër “censurës dhe diktaturës së vaksinimit” .

“Pandemia” e Coronës është një master plan për vendosjen e diktaturës dixhitale”, mund të lexohej në një pankartë, përveç tjerash. Në një tabelë tjetër, gjendja aktuale në Zvicër përshkruhej si “aparteid”.

Tubimi ka qenë kryesisht paqësor .

Në margjinat e tubimit, megjithatë, policisë i është dashur të ndërhynte disa herë.