3 fëmijë me probleme shëndetësore nga Kosova, për shërim në Izrael

Pas vendosjes së Ambasadës së Kosovës në Jorusalem, shteti i Izraelit ka vendosur t’i marrë 3 fëmijē nga Kosova për t’i shëruar në këtē vend. Lajmin e ka bërë të ditur Ambasadorja e Kosovës në këtë vend, Ines Demiri. Shërimi i tyre do të jetë falas, përcjell albinfo.ch.

Postimi i plotë nga Ambasadorja e Kosovës në Jorusalem, Ines Demiri.

Sot zhvillova një takim të rëndësishëm dhe të frytshëm me z. Simon Fisher, Drejtor Ekzekutiv i organizatës humanitare “Save a Child’s Heart” me seli në Holon të Izraelit, dhe me Ambasadorin Dan Oryan – Drejtor pranë Departamentit për Ballkan në Ministrinë e Punëve të Jashtme të Izraelit.

E mirëprita kërkesën e z. Fisher dhe ambasadorit z. Oryan për bashkëpunim të ngushtë me ambasadën tonë në Jerusalem. Si fryt i këtij bashkëpunimi, tre fëmijë nga Kosova, të shoqëruar nga nënat e tyre, gjatë ditëve në vijim, do të vijnë për shërim në Izrael.

Falënderoj z. Simon Fisher, ambasadorin Dan Oryan dhe shtetin e Izraelit për ndihmën e ofruar për shërimin e fëmijëve tanë dhe për gatishmërinë për bashkëpunim të ngushtë në të gjitha fushat mes shteteve tona”, tha ambasadorja e Kosovës përmes një postimi.

Sipas saj, ky është vetëm fillimi pasi projekte të natyrave të tilla apo të fushave të tjera do të realizohen në vijim.