OBSH dhe Kina dalin me përfundimin për origjinën e koronavirusit

Keystone/

Në një publikim të fundit nga Agjencia Associated Press, studimi i përbashkët i pabotuar ende, mes OBSH-së dhe Kinës mbi origjinën e COVID-19 arrin në përfundimin se “transmetimi i virusit nga lakuriqët e natës te njeriu përmes një kafshe tjetër është skenari më i mundshëm” për shfaqjen e virusit, transmeton tch.

Thuhet se skenari i daljes së virusit nga laboratori te publiku u konsiderua “jashtëzakonisht i pamundur” nga hetimi i përbashkët, tha agjencia e lajmeve. Studimi zbulon gjithashtu se brejtësit dhe macet “janë të prekshëm ndaj virusit COVID, gjë që sugjeron se ato gjithashtu mund të jenë transmetues” të tij, përcjell albinfo.ch.

Një diplomat në Gjenevë, nga një vend anëtar i OBSH-së, ndau studimin që “dukej të ishte një version gati përfundimtar” me Associated Press të hënën, por agjencia e lajmeve nuk zbuloi identitetin e diplomatit, sepse ai nuk ishte i autorizuar të jepte informacionin para botimit. Raporti është “bazuar kryesisht” në një vizitë që një ekip ekspertësh ndërkombëtarë bëri më parë këtë vit në Wuhan të Kinës, ku u shfaq për herë të parë koronavirusi.