Zvicra miraton testet e “Roche”-s, me rezultat për 15 minuta

Ky test do të dalë në barnatore nga 7 prilli

Zvicra më në fund ka miratuar vetëtestet e koronavirusit, të bëra nga kompania zvicerane e farmacisë Roche, transmeton albinfo.ch.

Tani, vetëtestet – të cilat fillimisht ishin planifikuar të ishin në dispozicion në farmacitë zvicerane nga mesi i marsit – do të jenë në dispozicion të publikut të gjerë nga 7 prilli.

Vonesa ishte për shkak të shqetësimeve se testet mund të mos jenë mjaft të sakta, por autoritetet zvicerane tani thonë se janë të bindur.

Sidoqoftë, Swissmedic ka paralajmëruar që vetëtestet nga jashtë nuk duhet të përdoren, pasi ato mund të jenë jo të besueshme.

Banorët zviceranë kanë të drejtë për pesë teste falas në muaj.

Testet e shpejta ’përdorin një mostër nga pjesa e përparme e hundës në vend të laringut, duke i bërë ato më komode dhe më të lehta për t’u përdorur.

Rezultatet janë në dispozicion për 15 minuta, thuhet sipas Roche-s. /Albinfo.ch

---