“Léman Express” sërish nis shërbimin e rregullt nga 5 prilli në Zvicër

Keystone

Pas disa muajsh që nuk funksionin rregullisht, lidhja rajonale hekurudhore ndërkufitare do të funksionojë nga e hëna, festa e Pashkëve, gjashtë trena në orë dhe për drejtim midis Gjenevës dhe qytetit francez të Annemasse, transmeton albinfo.ch.

Trenat Léman Express në ditët e tjera normale do të lëvizin katër herë në orë dhe do të mbështeten çdo 30 minuta nga kolonat RegioExpress, duke shërbyer në stacionet kryesore përgjatë linjës, të tilla si Coppet, Lancy-Pont-Rouge dhe Eaux-Vives.

Projekti i Hekurudhave Federale Zvicerane (SBB) dhe sistemit kombëtar të trenave SNCF të Francës, Léman Express përfshin një rrjet prej 45 stacionesh dhe 230 kilometra trase, që shtrihet përtej Gjenevës në Vaud, si dhe Francë.