SHBA, 165 milionë doza të injektuara

(KEYSTONE/Martial Trezzini)

Tashmë Shtetet e Bashkuara kanë injektuar më shumë se 165 milionë doza të vaksinave kundër koronavirusit deri të dielën në mëngjes, ndërsa në vend janë shpërndarë afro 208 milionë doza, thuhet në njoftimin nga Qendrat Amerikane për Kontrollin dhe Parandalimin e Sëmundjeve (CDC), përcjell albinfo.ch.

Shifrat janë rritur nga dita e djeshme pas njoftimit nga CDC për 161,688,422 doza të injektuara dhe 207,866,645 të shpërndara nëpër qendra vaksinimi. CDC thotë se 106,214,924 njerëz kanë marrë të paktën njërën dozë të vaksinës, ndërsa 61,416,536 janë vaksinuar plotësisht, deri të dielën.

Të dhënat nga Qendrat Amerikane për Kontrollin dhe Parandalimin e sëmundjeve përfishijnë vaksinat nga Moderna, PfizerBioNTech si dhe vaksinën me një dozë nga Johnson&Johnson. Shifrat tregojnë të dhënat deri në orën 6 të mëngjesit të ditë së diel. Një total prej 7,742,126 dozash janë injektuar në institucionet e kujdesit afatgjatë, njoftoi CDC.