Gjermani: Shoqata e mjekëve shqiptarë trajton temën e shëndetit mendor

Pandemia përgjithësisht ka ndikuar te njerëzit negativisht, qoftë për ekonomi, ashtu edhe për shëndetin mendor, transmeton albinfo.ch.

Pavarësisht se u bë më shumë se një vit me pandeminë, shumë probleme psikike po vazhdojnë të jenë ende temë diskutimi dhe njerëzit po preokupohen secilën herë e më shumë të gjejnë mënyra dhe teknika për menaxhimin e situatave kur kemi ndonjë vështirësi.

Për këtë, Shoqata e mjekëve në Gjermani po organizon një mbledhje online lidhur me temat e ndryshme psikike, teknikat e manxhimit, trajtimi dhe dalja nga gjendja e vështirësive psikike, me rekomandime të ekspertëve në këtë fushë.

Më poshtë mund të lexoni njoftimin e plotë nga kjo shoqatë:

Ju ftojmë më 21 prill, në orën 19:00, të na bashkoheni në mbledhjen online që do të organizojmë me Shoqatën e mjekëve shqiptarë në Gjermani. Së bashku me të ftuarit tanë do të flasim rreth temës së depresionit veçanërisht gjatë kësaj kohe pandemie, si dhe rreth përdorimit të programit Hap-pas-Hapi për të trajtuar simptoma të lehta depresioni.

Prezantimi dhe ligjëratat fillestare do të mbahen në gjuhën shqipe, ndërsa diskutimi më pas mund të bëhet si në shqip dhe në gjermanisht. Mbledhja do të organizohet përmes Zoom; linkun do ta postojmë në ditët në vijim.

Falënderojmë shumë Shoqatën e mjekëve shqiptarë në Gjermani për bashkëpunimin dhe mundësinë!

Ju mirëpresim!

Ekipi hulumtues Hap-pas-Hapi