Lajme
Zvicra, nga korriku lejon ngjarjet me 3.000 veta, nga shtatori, me 10.000 veta
Sipas Këshillit Federal, vetëm të shëruarit, të vaksinuarit dhe ata që kanë rezultuar negativë lejohen të marrin pjesë në ngjarje
Aktivitetet e mëdha do të jenë të mundshme përsëri duke filluar nga vera, falë vaksinimeve. Por, Këshilli Federal planifikon që për t`u realizuar kjo, t’u ofrojë organizatorëve planifikimin e sigurisë.
Kantonet duhet të jenë në gjendje të miratojnë deri nga fundi i majit aktivitetet që do të mbahen pas 1 korrikut, është bërë e ditur në konferencën për media që po mbahet edhe në këto momente në Bernë, shkruan albinfo.ch.
Sipas Këshillit Federal, vetëm të shëruarit, të vaksinuarit dhe ata që kanë rezultuar negativë në testet për koronavirus lejohen të marrin pjesë në ngjarje. Përveç kësaj, në ato ngjarje duhet të zbatohen koncepte të rrepta të mbrojtjes.
Për ta testuar këtë, Këshilli Federal ka propozuar një fazë pilot. Nga fillimi i qershorit deri në fund të qershorit 2021, kantonet duhet të jenë në gjendje të miratojnë zbatimin e tri aktiviteteve pilot të zgjedhura me një minimum prej 300 dhe një maksimum prej 600 personash, transmeton albinfo.ch.
Qëllimi i këtyre ngjarjeve është të testojnë, ndër të tjera, sesa janë testet e praktikueshme në hyrje dhe se si mund të sigurohet kontrolli i vaksinimit, provave dhe rekordeve të rikuperimit.
Më tutje, Këshilli Federal propozon:
Nëse situata epidemiologjike nuk lejon që të mbahen aktivitetet si janë planifikuar, organizatorët e ngjarjeve të miratuara do të kompensohen, transmeton albinfo.ch. Në mënyrë që kjo e ashtuquajtur “ombrellë mbrojtëse” të hyjë në fuqi, ngjarjet në fjalë duhet të arrijnë një numër vizitorësh prej të paktën 1000 njerëzish në ditë, numër që shkon përtej kufijve të kantonit.
Organizatori do të mbulonte vetë 30,000 franga prej kostos së pambuluar për çdo aktivitet. Nga pjesa tjetër ai do të paguante vetëm 20%.
Kantonet dhe Qeveria Federale do të paguajnë një maksimum prej pesë milionë frangash të kostove të pambuluara për një ngjarje konkrete.
Për ngjarjet që do të mbahen pas 1 korrikut, duhet të llogariten (dhe lejohen) deri në 3,000 pjesëmarrës ndërsa pas 1 shtatorit lejohen edhe deri në 10,000 njerëz. Kantonet mund të lëshojnë lejet përkatëse duke filluar nga fundi i majit.
Kantonet dhe federatat e sektorëve përkatës kanë kohë deri më 10 maj për të dhënë mendimin e tyre mbi propozimet e qeverisë, si pjesë e një konsultimi.
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Zvicër
-
Zvicër: Votimi i shtrenjtë për ligjin për furnizimin me energji elektrike Deri më tani, mbi pesë milionë franga janë caktuar për votimin intensiv të ligjit për furnizimin...
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore