Kuriozitete
Twitter-i u kërkon përdoruesve të mendohen mirë para se të përgjigjen
Gjatë viteve të fundit, ballafaqimi i platformave me mënyrën e policimit të përmbajtjeve fyese, abuzimit dhe ngacmimit, ka qenë i shpeshtë.
Media sociale, Twitter, është duke shtyrë përdoruesit e vet të jenë të kujdesshëm dhe të rishikojnë përgjigjet “potencialisht të dëmshme ose fyese”.
Agjencia e lajmeve, BBC, tregon se lëvizja e platformës vjen pasi ajo është përballur shpesh me kritika për sjelljen abuzive të përdoruesve.
Funksioni është testuar gjatë vitit të kaluar dhe Twitter-i ka pranuar se testet tregonin se kërkesat ulnin përgjigjet fyese.
Tanimë, këto kërkesa do të lëshohen në gjuhën angleze nëpër llogari të përdoruesve të Twitter-it në Android dhe Apple.
Sipas analizave të brendshme, platforma ka bërë të ditur përmes një postimi në blog se nxitjet bënin që 34 për qind e njerëzve të rishikonin përgjigjet e tyre fillestare ose të vendosnin që mos ta dërgonin fare përgjigjen e tyre.
Madje gjatë testimit të parë, mesatarisht 11 për qind e përdoruesve shfaqnin më pak përgjigje ofenduese. Gjithashtu kishin më pak të ngjarë të merrnin përgjigje fyese dhe të dëmshme.
Ndër të tjera, Twitter-i ka sqaruar se kërkesat janë krijuar duke marrë parasysh natyrën e marrëdhënies mes llogarive që postojnë dhe atyre që përgjigjen.
“Nëse dy llogari ndiqen dhe i përgjigjen njëri-tjetrit shpesh, ka një gjasë më shumë që ato të kenë një kuptim më të mirë të tonit të preferuar të komunikimit”, shkruhet në postimin e platformës në blog.
Gjatë viteve të fundit, ballafaqimi i platformave me mënyrën e policimit të përmbajtjeve fyese, abuzimit dhe ngacmimit, ka qenë i shpeshtë.
Vitin e kaluar, statistikat e Twitter-it për harkun kohor janar-qershor kanë treguar se platforma hoqi afro 1.9 milionë llogari që kishin përmbajtje potencialisht fyese. Dhe pezulloi 925 mijë e 700 të tjera për shkeljen e rregullave.
Mirëpo, debati për moderimin e përmbajtjes është ashpërsuar edhe më shumë për shkak të vendimeve të marra nga kompanitë e mëdha të mediave sociale kundër zyrtarëve publikë.
Një nga rastet më të njohura është ai i ish presidentit amerikan, Donald Trump, i cili u ndalua nga një sërë platformash përfshirë edhe Twitter-in pas trazirave të gjashtë janarit në Capitol Hill.
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse