Biontech, vendeve të varfra do t`ua japë vaksinën me çmim më të lirë

"Ne do të vazhdojmë t'ua sigurojmë vendeve me të ardhura të ulëta vaksinën tonë me çmim jofitimprurës", thuhet në një njoftim nga kompania

Prodhuesi gjerman i vaksinave Biontech nuk e konsideron të leverdishëm lëshimin e patentës, por dëshiron t`u dalë në ndihmë vendeve të varfra për sa i përket çmimit të vaksinave, shkruan srf.ch duke iu referuar mediave ndërkombëtare.

“Ne do të vazhdojmë t’ua sigurojmë vendeve me të ardhura të ulëta vaksinën tonë me çmim jofitimprurës”, thuhet në një njoftim të lëshuar nga kompania.

Në Biontech janë të bindur se zgjerimi i vazhdueshëm i kapaciteteve prodhuese do të ndihmojë në përfundimin e kësaj pandemie, transmeton albinfo.ch.

“Por, për të arritur këtë, qeveritë, prodhuesit si dhe organizatat ndërkombëtare dhe kombëtare duhet së bashku të mbështesin furnizimin e vendeve me të ardhura të ulëta dhe relativisht të ulëta, duke u ofruar ndihmë kapaciteteve ekzistuese të prodhimit dhe duke  ndihmuar në identifikimin e vendeve të reja të certifikuara”.

---