Lajme
Microsoft thotë se hetoi përfshirjen e Gates në një aferë me një punonjëse
Microsoft zhvilloi një hetim për përfshirjen e bashkëthemeluesit Bill Gates me një punonjëse gati 20 vjet më parë, pasi u tha se më 2019 ai ishte përpjekur të fillonte një marrëdhënie romantike me personin, tha kompania të hënën.
Microsoft tha se kishte marrë një shqetësim në gjysmën e fundit të vitit 2019 që Gates “kishte kërkuar të fillonte një marrëdhënie intime me një punonjëse të kompanisë në vitin 2000”, tha një zëdhënës i Microsoft-it në një deklaratë.
“Një komitet i Bordit shqyrtoi shqetësimin, ndihmuar nga një kompani e jashtme ligjore për të kryer një hetim të plotë. Gjatë gjithë hetimit, Microsoft siguroi mbështetje të gjerë për punonjësen që ngriti shqetësimin”, u tha në deklaratë.
Wall Street Journal raportoi të dielën se Bordi i Microsoft kishte vendosur që përfshirja e Gates me një punonjëse femër ishte e papërshtatshme dhe ai kishte nevojë të largohej nga posti në vitin 2020, duke cituar njerëz të njohur me këtë çështje, përcjell albinfo.ch.
Zëdhënësi i Microsoft-it nuk pranoi të komentonte nëse Bordi kishte vendosur që Gates të largohej. Në një deklaratë për Wall Street Journal, një zëdhënës i Gates tha se vendimi i tij për të lënë bordin e Microsoft-it nuk kishte asnjë lidhje me përfshirjen e tij me një punonjëse.
“Vendimi i tij për të kaluar jashtë Bordit nuk ishte në asnjë mënyrë i lidhur me këtë çështje”, tha ai tutje.
Gates dhe gruaja e tij, Melinda, kërkuan divorc në fillim të këtij muaji pas 27 vjetësh martesë, përcjell tutje albinfo.ch.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Zvicra vendosi të ndajë të dhënat e pasagjerëve të fluturimit me policinë Pa planin e propozuar, Zvicra do të përballej me disavantazhe ekonomike...
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)