Doza e parë me Astra-Zeneca, e dyta me Biontech-Pfizer, shumë efektive

Përgjigja imune në këtë rast është midis 30 dhe 40 herë më e madhe se ajo e një grupi kontrolli që ka marrë vetëm vaksinën Astra-Zeneca

Vaksinimi kundër koronës me vaksinën Biontech pas një vaksinimi fillestar të bërë me Astra-Zeneca është shumë i sigurt dhe shumë efektiv, sipas një studimi spanjoll, shkruan srf.ch.

Përgjigja imune në këtë rast është midis 30 dhe 40 herë më e madhe se ajo e një grupi kontrolli që ka marrë vetëm vaksinën Astra-Zeneca, transmeton albinfo.ch.

Këtë konstatim e ka arritur studimi “Combivacs” i paraqitur të martën nga instituti shëndetësor shtetëror i Spanjës, Carlos III.

Përveç kësaj, fare pak efekte anësore serioze kanë ndodhur midis 600 pjesëmarrësve në studim.

Për shkak të rrezikut në rritje nga tromboza pas vaksinimit me Astra-Zeneca, një vaksinim i dytë me një vaksinë mRNA rekomandohet në shumë vende për grupe të caktuara njerëzish.

Fjala është për vaksinat nga kompania Mainz Biontech dhe partneri i saj amerikan Pfizer ose kompania amerikane, Moderna.

---