Sa fitojnë kombëtaret në Euro 2020

UEFA do të shpërndajë në total 331 milionë euro, rreth 30 milionë më shumë krahasuar me shifrën e edicionit 2016

Edhe disa ditë na ndajnë nga fillimi i Kampionatit Evropian, i cili u shty në vitin 2021, për shkak të emergjencës së koronavirusit, që preku edhe botën e futbollit vitin e kaluar.

Pikërisht Covid-19 ndikoi – ndër të tjera – edhe në reduktimin e shpërblimeve që do të ndajnë mes tyre 24 ekipet kombëtare pjesëmarrëse.

UEFA, shkruan La Gazzetta dello Sport, do të shpërndajë në total 331 milionë euro, rreth 30 milionë më shumë krahasuar me shifrën e edicionit 2016. Gjithsesi bëhet fjalë për një shifër rekord, por më e ulët krahasuar me 371 milionë euro të parashikuara fillimisht, transmeton Monitor, përcjell albinfo.ch.

Sa vlen EURO 2020 – Shifrat që nga viti 1996

Nëse kthehemi pas në kohë në vitin 1996, kur 16 finalisteve iu shpërndanë 55 milionë euro – kuptojmë se futbolli është rritur me ritme të çmendura në 25 vitet e fundit. Këto janë shifrat e shpërndara në kompeticionet e fundit

• Angli 1996 – 51 milionë euro
• Belgjikë -Holandë 2000 – 76 milionë euro
• Portugali 2004 – 130 milionë euro
• Austri-Zvicër 2008 – 184 milionë euro
• Poloni-Ukrainë 2012 – 196 milionë euro
• Francë 2016 – 301 milionë euro
• EURO 2020 – 331 milionë euro

Kombëtarja që do të fitojë Kompeticionin do të fusë në arkat e veta minimumi 26.5 milionë euro, të cilat mund të arrijnë në 28 milionë nëse fitojnë tre ndeshjet në grup.

Sa vlen Euro 2020, nga çmimet te faza e grupeve te faza finale

Çdo fitore në grup vlen 1 milion, çdo barazim, gjysmë milion. Faza e një të tetave vlen 1.5 milionë, çerekfinalet 2.5 milionë dhe gjysmëfinalet 4 milionë. Nëse ekipi arrin në fazën finale siguron 5 milionë, ndërsa nëse shpallet kampion, shtohen edhe 3 milionë.

Ai që fiton gjithë ndeshjet e grupit arrin në 28,25 milionë (në 2016, Portugalia kampione fitoi 25.5 milionë).

---