Lajme
Kryeparlamentarja e Kantonit të Lucernit, Ylfete Fanaj, bëhet nënë
Djali i saj, Arian Diell, është lindur katër javë para kohe, por, ashtu sikurse dhe nëna e tij, ai është mirë me shëndet
Politikania e PS Ylfete Fanaj është bërë nëna e një fëmije më 31 maj. Ajo do të mungojë në sesionin e qershorit dhe do të kthehet në parlament për sesionin e shtatorit.
Djali i saj, Arian Diell, është lindur katër javë para kohe, por, ashtu sikurse dhe nëna e tij, ai është mirë me shëndet, shkruan “Surseer Woche”.
Fillimi i seancës në 21 dhe 22 qershor do të drejtohet nga zëvendësi i Fanajt, Rolf Bossart, transmeton albinfo.ch. Politikani SVP-së është nënkryetar i parlamentit dhe mund të zgjidhet pasardhës i Fanajt në seancën e qershorit.
Ylfete Fanaj tani është në pushimin e lindjes dhe mund të kthehet në parlament seancën e 13, 14 dhe 20 shtatorit.
Fanaj, e lindur në Kosovë në vitin 1982, ka ardhur në Zvicër, gjegjësisht në Sursee në vitin 1991 përmes bashkimit familjar.
Pas përfundimit të shkollës profesionale për komercialiste, ajo ka vazhduar studimet për punë sociale. Në vitin 2011, Fanaj është zgjedhur në Këshillin Kantonal për PS të Qytetit të Lucernit. Më 23 qershor, 2020, ajo ka marrë përsipër detyrën e kryetares së Parlamentit Kantonal nga Josef Wyss (CVP) dhe që atëherë ka qenë gruaja me pozitën më të lartë politike në kanton.
Njëherësh, Ylfete Fanaj, me postin e saj të kryeparlamentares kantoanle, ka pozitën më të lartë deri më tani nga të gjithë politikanët shqiptarë në Zvicër.
Të ngjashme
Të tjera nga Lajme
E-Diaspora
-
Filmi “The Land within”, lufta në Kosovë, e vështruar nga një kënd tjetër Në "Kino Kosova" është shfaqur edhe filmi "The Land within", i regjisorit shqiptaro-zviceran Fisnik Maxville (Maxhuni),...
-
Robin Krasniqi fiton me pikë ndaj portugezit Jorge Silva
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Zvicër
-
Ja sa janë rritur fitimet e shefave të sigurimeve shëndetësore në Zvicër Që nga viti 2016, kompanitë e sigurimeve shëndetësore janë të detyruara të bëjnë të ditur kompensimin...
-
Sa banorë të huaj bëhen shtetas zviceranë çdo vit?
-
Filmi “The Land within”, lufta në Kosovë, e vështruar nga një kënd tjetër
-
Qindra studentë protestuan para Universitetit të Lozanës
-
Fëmijët të mbahen larg celularëve