Fillon afati për certifikim të partive politike për zgjedhjet lokale në Kosovë

Përmes një postimi, Komisioni Qendror i Zgjedhjeve (KQZ) ka njoftuar të gjitha partitë politike, koalicionet, iniciativat qytetare dhe kandidatët e pavarur, të cilët duan të marrin pjesë në zgjedhjet lokale, se afati i aplikimit për certifikim ka filluar dhe përfundon më 16 gusht 2021.

Sipas një postimi në rrjetin social në Facebook të faqes së KQZ-së, thuhet se kërkesat për certifikim dorëzohen në Zyrën për Regjistrimin e Partive Politike dhe Certifikim, në çdo kohë, gjatë orarit të punës, nga ora 08:00 deri në 16:00.

“Njoftohen të gjitha partitë politike, koalicionet, iniciativat qytetare dhe kandidatët e pavarur, të cilët duan të marrin pjesë në Zgjedhjet Lokale, se afati i aplikimit për certifikim ka filluar dhe përfundon më 16 gusht 2021. Kërkesat për certifikim dorëzohen në Zyrën për Regjistrimin e Partive Politike dhe Certifikim, në çdo kohë, gjatë orarit të punës, nga ora 08:00 deri 16:00. Për informata shtesë mund të vizitoni ueb faqen e KQZ www.kqz-ks.org ose kontaktoni në tel. 038 200 81 010”, kanë shkruar në rrjetin social në Facebook.