Futboll

Historike! Austria për herë të parë në 1/8 e finales së një Kampionati Evropian

E hënë, 21 Qershor 2021 - 20:30 albinfo.at
Foto: screenshot

Ekipi kombëtar i futbollit të Austrisë ka shkruar sot histori. Pas një fitore 1-0 ndaj Ukrainës, kombëtarja austriake për herë të parë në një Kampionat Evropian është renditur në 1/8 e finales, shkruan albinfo.at

Ishte Christoph Baumgartner që realizoi golin e vetëm në ndeshje pas një harkimi të mrekullueshëm nga David Alaba (21′).

Gjatë gjithë ndeshjes, Austria ishte shumë më e mirë duke dominuar në çdo aspekt, por nuk i konkretizuan rastet.

Ukraina provoi më shumë përmes kundëraksioneve, që disa herë ishin afër të shënonin, sidoqoftë, assesi nuk e gjetën rrugën drejt golit.

Me këtë fitore, Austria kalon në fazën tjetër dhe do të takohet të shtunën përball Italisë.

 

 Të tjera nga Futboll

Ndeshja vendimtare me Poloninë, Sylvinho shprehet i gatshëm dhe beson në rezultat pozitiv

 E-Diaspora

 Jeta në Zvicër