Lajme

Shqipëria, vetëm një rast me koronavirus

E hënë, 28 Qershor 2021 - 18:30 albinfo.ch

Keystone EPA/MALTON DIBRA

Shqipëria nuk ka regjistruar asnjë rast me përfundim fatal si pasojë e coronavirusit në 24 orët e fundit, ndërsa ka konfirmuar vetëm një rast të ri.

Ministria e Shëndetësisë ka bërë të ditur se janë kryer 2954 testime dhe se janë shëruar 4 qytetarë, duke e çuar numrin e tyre të përgjithshëm në 129.994 që nga fillimi i epidemisë.

Aktualisht janë 63 pacientë aktivë me COVID-19, ndërsa vetëm një pacient po merr trajtim spitalor të specializuar.

Shqipëria ka regjistruar gjithsej 132.513 raste pozitive, prej tyre 129.994 janë shëruar, 63 janë aktive, derisa betejën me sëmundjen e rrezikshme e kanë humbur 2.456 persona.