Kosova
Jeffrey M. Hovenier, ambasador i ri i SHBA-së në Kosovë
Joe Biden, presidenti i Shteteve të Bashkuara, ka nominuar për ambasador të SHBA-së në Kosovë Jeffrey M. Hovenier. Njoftimi është bërë nga ana e Shtëpisë së Bardhë, përcjell albinfo.ch.
Thuhet se ai është një diplomat karriere i shërbimit të jashtëm amerikan që ka qenë pjesë e stafit të të Dërguarit të Posaçëm të Kombeve të Bashkuara për statusin e Kosovës.
Hovenier aktualisht është zëvëndësshef i misionit të Ambasadës së SHBA-së në Ankara të Turqisë. Ai gjithashtu ka shërbyer edhe në ambasadën e SHBA-së në Berlin si dhe në misionet e SHBA-së në Kroaci, Greqi, Panama, Paraguai dhe Peru.
Në Uashington ai ka kryer detyrën e Drejtorit për Çështjet të Evropës Qendrore dhe Juglindore në Këshillin e Sigurisë Kombëtare dhe në Byronë e Departamentit të Shtetit për Çështjet Evropiane dhe Euroaziatike me përgjegjësi për NATO-n dhe Çështjet e Evropës Qendrore.
Nominimi i tij duhet të konfirmohet nga ana e Senatit amerikan.
Në qershor të vitit 2018, ish-presidenti i Kosovës, Hashim Thaçi, e pati dekoruar diplomatin Hovenier me Medaljen Presidenciale Jubilare të Dhjetëvjetorit të Pavarësisë.
“Mbështetja juaj dhe e SHBA-së në të gjitha proceset politike ka qenë përcaktuese për lirinë dhe pavarësinë e Kosovës. Do të jemi përgjithmonë mirënjohës”, pati thënë atëbotë Thaçi.
Ndërsa diplomati amerikan, Jeffrey Hovenier, kishte deklaruar se qëndrimi amerikan gjithmonë ka qenë në përkrahje të lirisë dhe pavarësisë së Kosovës.
“Unë do të jem gjithmonë një mik i Kosovës”, pati thënë Hovenier.
Në pozitën e ambasadorit në Prishtinë, ai do të zëvëndësojë ambasadorin e tanishëm, Philip Kosnett.
Përmes një postimi në rrjetin social, Twitter, ambasadori Kosnett e ka uruar Hovenier për nominimin që të shërbejë si ambasador i SHBA-së në Kosovë.
E-Diaspora
-
Rama diasporës në Itali: Shqiptarët, nga damka “e stato un albanese”, te shëmbëlltyra e ribashkimit europian Kryeministri Edi Rama, fjalimin në pallatin e sportit “Busto Arsizio” në Itali, e nisi me një...
-
Edhe këtë vit panairi “Gjergj Kastrioti Skënderbeu“ bashkoi shqiptarët e Amerikës
-
CIES: Xhaka, lojtar me ndikim, vlerësohet me 92.3 pikë
-
Xhaka e Gjimshiti, në ekipin më të mirë të Ligës së Evropës
-
Prokuroria zvicerane kërkon 16 vjet burg për Arditin që vrau gruan e tij, Besimen
Jeta në Zvicër
-
Këto ndryshime në sektorin e azilit hyjnë në fuqi më 1 qershor Të shtunën, në Zvicër do të hyjnë në fuqi disa ndryshime në ligje dhe rregullore në...
-
Studentët protestues u evakuuan nga Universiteti i Bazelit
-
Asnjëherë më parë zviceranët nuk kanë pasur borxhe kaq të larta për sigurimet shëndetësore
-
Mediumi zviceran pas përfundimit të procesit të regjistrimit: Popullsia e Kosovës po tkurret
-
Zvicra mohon ultimatumet e samitit të paqes në Ukrainë