Imuniteti i tufës nuk do të arrihet në Zvicër, sipas ekspertëve

Asnjë rajon nuk ka gjasa të arrijë një normë vaksinimi mbi 60 për qind

Ndërsa numri në rritje i banorëve të Zvicrës po largohen për pushime, shkalla e vaksinave ka rënë dukshëm, thonë autoritetet shëndetësore zvicerane, transmeton albinfo.ch.

Një studim i kantoneve nga SonntagsZeitung tregon se vështirë se ka regjistrime ose takime të reja për vaksinimet këtë verë.

Kjo do të thotë që asnjë rajon nuk ka gjasa të arrijë një normë vaksinimi mbi 60 për qind deri në vjeshtë, e cila është nën objektivin e Këshillit Federal prej 75 për qind, trasmeton tutje albinfo.ch.

Sipas specialistit të sëmundjeve infektive, Andreas Cerny, një nga arsyet e këtij ngadalësimi është se situata e mirë epidemiologjike dekurajon disa njerëz që të mos marrin vaksinën.

“Njerëzit bëjnë një analizë të kostos dhe përfitimit. Për shumë, rreziku i infektimit është shumë i ulët tani. Kjo është arsyeja pse ata vijnë në përfundimin se vaksinimi nuk ia vlen për momentin”.

Sidoqoftë, përkundër kësaj, kjo do të thotë që Zvicra mund të ketë ringjallje të madhe të rasteve në sezonin e vjeshtës.

---