Facebooku kërkon raportimin e postimeve ekstremiste

Përveçse kërkon të raportojë përmbajtje kundër politikave, Facebooku u tregon përdoruesve burime dhe organizata që ndihmojnë për të lënë grupet ekstremiste

Kompania Facebook ka filluar t’u dërgojë disa përdoruesve në SHBA një ”kuti”, në të cilën mund të tregojë, në mënyrë anonime, nëse një kontakt i tyre tregon shenja të ekstremizmit.

Andy Stone, zëdhënës i Facebookut, theksoi se risia është pjesë e ”Redirect Initiative”, me të cilën kompania promovon organizata kundër ekstremizmit dhe në mbështetje të njerëzve të përfshirë në aktivitete të tilla, transmeton Atsh, përcjell Albinfo.ch.

Përveçse kërkon të raportojë përmbajtje kundër politikave, Facebooku u tregon përdoruesve burime dhe organizata që ndihmojnë për të lënë grupet ekstremiste.

“Ky test është pjesë e angazhimit tonë për të studiuar mënyra të ndryshme për të siguruar mbështetje për njerëzit në nevojë në Facebook, të përfshirë ose të ekspozuar ndaj përmbajtjes ekstremiste ose të lidhur me dikë që është në rrezik. Ne jemi duke bashkëpunuar me OJQ dhe ekspertë akademikë në këtë fushë dhe shpresojmë të kemi më shumë mundësi për të ndarë në të ardhmen”, shtoi Stone.

 

---