Kosova

Katër raste të reja me koronavirus në Kosovë

E enjte, 15 Korrik 2021 - 16:35 albinfo.ch

Në Kosovë u regjistruan të enjten edhe katër persona të infektuar me koronavirus. Rastet e reja pozitive rezultuan pas testimit të 1,476 mostrave, bëri të ditur Ministria e Shëndetësisë e Kosovës, duke u thirrur në të dhënat e Institutit Kombëtar të Shëndetësisë Publike.

Sipas njoftimit, në 24-orëshin paraprak u shëruan pesë pacientë, ndërsa raste aktive mbeten 106. Kosova ka regjistruar në total 107,883 raste me koronavirus.

Prej tyre, 2,264 pacientë kanë vdekur dhe 105,514 janë shëruar. Ministria e Shëndetësisë po ashtu njoftoi se në 24 orët e kaluara 11,513 qytetarë janë vaksinuar kundër koronavirusit.

Numri i qytetarëve të vaksinuar me së paku një dozë ka arritur në 293,693. Vaksinimi masiv në Kosovë ka nisur më 15 qershor.

 

 Të ngjashme

Si rekrutohet stafi infermieror nga Kosova, në Bavari

 Të tjera nga Kosova

Fondi Monetar Ndërkombëtar nis misionin vjetor në Kosovë

 E-Diaspora

 Jeta në Zvicër