Mbi 300 mijë qytetarë të vaksinuar në Kosovë

Gjatë 24 orëve të fundit janë regjistruar vetëm dy raste të reja me COVID-19 në Kosovë. Ndërsa nuk është shënuar asnjë rast i vdekjes.

Kurse tre pacientë janë shëruar. Numri i rasteve aktive është 98.

“Nga 1.944 testime, 2 qytetarë kanë rezultuar pozitivë me virusin COVID-19. Gjatë 24 orëve të fundit nuk është shënuar asnjë rast i vdekjes. Janë shëruar 3 qytetarë, derisa numri i përgjithshëm i të shëruarve është 105.534. Në total numri i rasteve aktive është 98”, thuhet në njoftimin e MSH-së.

Ndërsa në 24 orët e fundit janë dhënë 12.430 doza të vaksinës kundër COVID-19.

Prej fillimit të vaksinimit në të gjitha qytetet e Kosovës janë dhënë 310.415 doza të vaksinës.

Deri më sot 90.165 qytetarë janë vaksinuar me dozën e dytë.