Lajme
Gjermania vendosi: Nga e diela, testet e hyrjes bëhen të detyrueshme
Të gjithë njerëzit mbi dymbëdhjetë vjeç, kur të hyjnë në Gjermani duhet të tregojnë një rezultat negativ të testit, të kenë dëshmi se janë vaksinuar ose se janë shëruar
Ashtu sikurse ishte pritur, Qeveria Gjermane sot ka miratuar vendimin me të cilin e bën të detyrueshëm pasjen e testit negativ për të gjithë ata që hyjnë në territorin gjerman nga jashtë.
Kështu, duke filluar nga e diela, të gjithë njerëzit mbi dymbëdhjetë vjeç, kur të hyjnë në Gjermani duhet të tregojnë një rezultat negativ të testit, të kenë dëshmi se janë vaksinuar ose se janë shëruar nga koronavirusi, shkruan srf.ch.
Kjo rregullore deri më tani zbatohej vetëm për udhëtarët që hynin në Gjermani përmes rrugës ajrore ndërsa tani e tutje ajo zbatohet edhe për hyrjen me makinë ose me tren, transmeton albinfo.ch. Kabineti Federal ka miratuar të premten (sot) këtë urdhëresë të bërë nga Ministri gjerman i Shëndetësisë Jens Spahn.
Qëllimi i saj është që të ulet sa më shumë që të jetë e mundur hyrja e infeksioneve shtesë në Gjermani.
Ndërkaq, rregullore të veçanta do të vlejnë për punëtorët ndërkufitar si dhe për udhëtimet e shkurtra në trafikun ndërkufitar me qëndrim më pak se 24 orë në Gjermani. Për këta persona, detyrimi për të treguar testin negativ zbatohet vetëm kur ata vijnë në Gjermani nga një zonë me rrezik të lartë, zonë të ndonjë varianti të ri , shqetësues,të virusit ose nga ajri.
Infektimet me virusin Corona, të cilat ndoshta kanë ndodhur gjatë udhëtimit, kanë ndikuar edhe në rritjen e numrit të infektimeve në Gjermani, ka njoftuar Instituti Robert Koch (RKI), shkruan dw.de.
Sipas raportit të fundit për situatën, Spanja, Turqia dhe Holanda janë ndër vendet prej nga kthehen më së shumti persona të infektuar. Pasojnë Kroacia dhe Greqia. Por numri më i madh i infektimeve vazhdon të ndodhë brenda Gjermanisë, thonë autoritetet e RKI, përcjell albinfo.ch. Fjala është për të paktën 81 për qind të personave të infektuar.
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Zvicër
-
Komiteti parlamentar zviceran kërkon 15 milionë CHF për Kampionatin Evropian të Futbollit për Femra 2025 Një komitet i Dhomës së Përfaqësuesve të Zvicrës ka votuar në favor të një propozimi për...
-
Presidenti i SNB-së paralajmëron për goditje të mundshme inflacioni në Zvicër
-
Gjashtë gjëra që duhet të dini për pagat në Zvicër
-
SNB, 58.8 miliardë fitim neto në tremujorin e parë
-
Konsumatorët zviceranë kanë më shumë para, por më pak fuqi blerëse