Tematike
Ish-zyrtari i SECO-s akuzohet se ka marrë 1.7 milion franga ryshfet
"Ky është një nga rastet më të mëdha të korrupsionit në historinë e administratës federale të Zvicrës dhe si i tillë dëmton reputacionin e kësaj administrate"
Një rast me “forcë shpërthyese” ka filluar të procedohet sot, e hënë, në Gjykatën Penale Federale në Bellinzona. Bëhet fjalë për një çështje ryshfeti me përmasa gjigante në Sekretariatin Shtetëror për Çështjet Ekonomike (Seco), shkruan srf.ch.
Akuzohen një ish-nëpunës IT në Seco dhe tre sipërmarrës, transmeton albinfo.ch. Zyrtari akuzohet se është korruptuar nga përfaqësues të kompanive të ndryshme të TI -së midis viteve 2004 dhe 2014.
Aktakuza ka mbi 400 faqe
Në aktakuzën prej 400 faqesh, vetëm lista e dhuratave që akuzohet se ka pranuar zyrtari, zë disa faqe. Lista fillon nga biletat për ndeshjet e futbollit dhe shkon deri tek fondet për ekskursione dhe vizitat në hotele, transmeton albinfo.ch. Në total, i pandehuri akuzohet se ka pranuar ryshfete me vlerë rreth 1.7 milion frangash.
Në këmbim të ryshfeteve, pesë kompani kanë marrë projekte (tendere) IT nga Seco me vlerë prej gati 100 milionë frangash zvicerane. Tre sipërmarrës të përfshirë tani gjithashtu duhet të përgjigjen para Gjykatës Penale Federale për shkak të ryshfetit të pretenduar.
Rasti ka dëmtuar reputacionin e menaxhmentit
Ky është një nga rastet më të mëdha të korrupsionit në historinë e administratës federale të Zvicrës dhe si i tillë dëmton reputacionin e kësaj administrate, shkruan prokurori federal në aktakuzë.
Procesi, i cili pritet të zgjasë deri në mes të gushtit, është përpjekja e dytë për të ngritur akuzë lidhur me rastin. Vitin e kaluar zyra e prokurorit federal kishte hedhur poshtë aktakuzën e parë për shkak të pasaktësive të konstatuara.
Të ngjashme
Të tjera nga Tematike
E-Diaspora
-
“Dardania” nga Winterthuri shkëlqen në festivalin “Hasi Jehon 2024” Nata e tretë ishte radha e SHKA “Dardania”, edhe atë e fundit...
-
Kaq mërgimtarë u regjistruan deri më 9 maj
-
Ambasada e Kosovës në Austri u bën thirrje mërgimtarëve që të regjistrohen
-
Heidi Heiz: Ndërtuese e urave në arsim – Nga asistentja, në menaxhimin e shkollës
-
“FjalaFest”, festivali i letërsisë shqipe në Milano
Jeta në Zvicër
-
Procedura 24 orëshe – 40 për qind më pak kërkesa për azil Kërkesat për azil nga shtetet e Magrebit dhe Libia ranë me rreth 40 për qind në...
-
Zvicër: Azilkërkuesit e mitur sulmojnë njëri-tjetrin me thika
-
Gjeneva do të votojë për ndalimin e simboleve të urrejtjes
-
Edhe 56-vjeçarët duan t’i bashkohen policisë së qytetit të Cyrihut
-
Pensioni i 13-të i AHV mund të paguhet përnjëherë në fund të vitit