Futboll
Zyrtare: Messi largohet nga Barcelona
“Fundi i një epoke”. Klubi i Barcelona-s ka njoftuar zyrtarisht se e ka të pamundur rinovimin e kontratës me super yllin argjentinas, Lionel Messi-n. Faktikisht, mosrinovimi i Messi-t u lajmërua pak më herët nga gazeta e përditshme spanjolle “Marca”.
“Pavarësisht se klubi dhe lojtari kanë arritur marrëveshje dhe synimi i tyre i qartë për të nënshkruar kontratë të re sot, kjo nuk mund të ndodhë për shkak të pengesave financiare dhe strukturore”, thuhet në deklaratën zyrtare të Barcelona-s.
“Si pasojë e kësaj situate, Messi nuk do të qëndrojë në FC Barcelona. Të dyja palët pendohen thellë që dëshirat e lojtarit dhe klubit nuk do të plotësohen përfundimisht”.
“FC Barcelona shpreh përzemërsisht mirënjohjen ndaj lojtarit për kontributin e dhënë në agrandizimin e klubit dhe i uron të gjitha të mirat për të ardhmen në jetën e tij personale dhe profesionale”.
Barcelona nuk mundi të ulë nivelin e pagave të kërkuara nga La Liga në bazë të rregulloreve dhe kjo është arsyeja se përse rinovimi i Messi-t ishte i pamundur.
Kështu përfundon edhe aventura e gjashtë herë “Topit të Artë” në “Camp Nou”. Messi ka që nga viti 2000 që është pjesë e Barcelona-s. Ai ka kaluar të gjitha nivelet e klubit, që nga akademia deri në ekipin e parë.
Messi luajti 778 ndeshje me Barcelona-n, ku shënoi 672 gola dhe 305 asiste. Në total, ai ka fituar 35 trofe me Barcelona-n në të gjitha kompeticionet.
E-Diaspora
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave “Pa përpjekjet e duhura ka rrezik që shqipja pas 2, 3 brezave ndoshta jo të humbet...
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
5 monumente të reja në Europë në nder të Heroit Kombëtar
Jeta në Zvicër
-
Migrimi ndërmjet kantoneve zvicerane – fituesit dhe humbësit Gjatë 20 vjetëve të fundit, popullsia e vendit është rritur me 20%...
-
Rritje e racizmit në shkollat zvicerane
-
Në këtë kohë dhe vend priten kolona për festat publike në Zvicër
-
Vazhdon ulja e shkallës së papunësisë në Zvicër
-
Kosova në fokus të takimeve Zvicër – Itali