Qeveria e Kosovës merr një vendim të ri rreth strehimit të afganëve

Në kuadër të vendimit për strehimin e afganëve të zhvendosur, Qeveria e Kosovës ka marr edhe një vendim për sa i përket kategorizimit të afganëve që vijnë në Kosovë, raporton Albinfo.ch.

“Sipas vendimit të miratuar sot, përpos personave që janë në proces të aplikimit për Special Immigrant Visa (Vizave të Veçanta Imigruese) të Shteteve të Bashkuara të Amerikës, mbrojtje të përkohshme dhe të menjëhershëm do t’i ofrohet edhe personave të kualifikuar nën grupin P2 (klasifikim i veçantë i përcaktuar nga Departamenti i Shtetit Amerikan si Prioriteti 2), përfshirë familjarët e këtyre dy grupeve”, thuhet në njoftimin e Qeverisë së Kosovës.

Ndërkohë nuk është bërë e ditur ende data se kur pritet të arrijnë në Kosovë.