Lajme
Austria po heton rrjedhjen e 24,000 rezultateve pozitive të testit Covid
Austria të mërkurën tha se po heton rrjedhjen e 24,000 emrave dhe adresave të njerëzve që u testuan dhe dolën pozitivë me koronavirus këtë vit në provincën perëndimore të Tirolit, përcjell albinfo.at.
Lista, e cila përfshin emrat e njerëzve, datat e lindjes, adresat dhe të dhëna të tjera, u zbulua në transmetuesin publik ORF dhe të përditshmen Der Standard, sipas Autoritetit Austriak për Mbrojtjen e të Dhënave, i cili ka filluar një hetim.
Matthias Schmidl, nënkryetari i trupit, i tha AFP se hetimi sapo kishte filluar, kështu që ishte shumë herët për të treguar se çfarë kishte ndodhur dhe cilat mund të ishin pasojat.
Der Standard raportoi se ish-drejtori i HG Lab Truck, një kompani që kreu teste PCR për qeverinë e Tirolit, i dërgoi të dhënat e bashkangjitura në një email më 11 gusht një tekniku IT të një kompanie tjetër, i ngarkuar më parë me analizën e të dhënave. Qeveria e Tirolit tha në një deklaratë se “zbaton standarde të larta sigurie për të dhënat shëndetësore”, duke dënuar çdo rrjedhje dhe duke paralajmëruar veprime ligjore “nëse është e vërtetë se të dhënat shëndetësore u janë kaluar palëve të treta në kundërshtim me marrëveshjet”, përcjell tutje albinfo.at.
Ish-drejtori i HG, Lab Truck, thuhet se ka mohuar çdo faj, duke thënë se ai ishte viktimë e një sulmi hakerimi. Provinca Alpine u bë titull e mediave vitin e kaluar pasi mijëra turistë ndërkombëtarë u infektuan me koronavirus në vendpushimet e saj të famshme të skive në fillim të shpërthimit.
Të ngjashme
Të tjera nga Lajme
E-Diaspora
-
Itali: Shqiptari goditi me çekiç bashkëshorten, arrestohet nga policia Raportohet se një 55-vjeçar shqiptar u arrestua nga policia italiane, pasi më 25 prill goditi me...
-
Xhaka-Gjimshiti nesër përballen për trofeun e Europa League
-
Muharrem Salihu, i gatshëm për deputet në Parlamentin Evropian
-
Inteligjenca e mërgimtarit shqiptar vlerësohet lart, kualifikohet në finalen e kampionatit të matematikës
-
Medina Jusufi Berisha, punon në profesionin që kishte ëndërruar si fëmijë
Jeta në Zvicër
-
Kamberi shënon, Zuerichu siguroi kualifikimet në Ligën e Konferencës Bëhet e ditur se dje Zuerichu siguroi kualifikimet në Ligën e Konferencës falë fitores 2:1 kundër...
-
Medina Jusufi Berisha, punon në profesionin që kishte ëndërruar si fëmijë
-
Aviokompania zvicerane që flet shqip
-
Buxheti i mbrojtjes i propozuar prej 15 miliardë frangash, pritet të dështojë
-
Shtatë gjëra që shtetasit jo-BE duhet t’i dinë rreth zhvendosjes në Zvicër