32 viktima nga Covid-19 në Kosovë

Në 24 orët e fundit në Kosovë si pasojë e Covid-19 kanë vdekur 32 persona. Ministria e Shëndetësisë njofton se brenda një dite vdiqën 16 gra dhe 16 burra.

Në mesin e viktimave është një person i grupmoshës 20 deri në 29-vjeçar, ndërsa 2 persona të tjerë që kanë humbur jetën janë të grupmoshës 30 deri në 39 vjeç.

Sipas të dhënave nga Ministria e Shëndetësisë 3 viktima janë nga mosha 50 deri 59, 9 të tjerë nga 60 deri ne 69 vjet. Ndërsa 9 viktima janë të grupmoshës 70 deri në 79, kurse mbi moshqn 80 vjeçare në 24 orët e fundit kanë vdekur 8 persona.

Nga Gjakova janë regjistruar 8 viktima, 4 nga Gjilani, 3 nga Prizreni, kurse, Vitia, Skendera, Fushë Kosova dhe UNK janë nga 2 viktima.

Nga një viktimë është regjistruar në Vushtrri, Rahoves, Mitrovicë, Gjakovë, Kamenicë, Podujevë, Gllogoc, Prishtinë dhe Klinë.