Kosovë, 12 viktima dhe 410 raste të reja me koronavirus

Pavarësisht faktit se numri i rasteve të reja me COVID-19 në Kosovë gjatë ditëve të fundit ka shënuar një rënie të lehtë, ai i viktimave vazhdon të jetë i lartë.

Sot në Kosovë janë regjistruar edhe 12 të vdekur nga sëmundja COVID-19, duke e çuar numrin e përgjithshëm të viktimave në 2,845.

Sipas njoftimit të Ministrisë së Shëndetësisë, gjatë 24 orëve të kaluara janë shënuar edhe 410 raste të reja të të infektuarve, bazuar në 8.789 testime të bëra në laboratorët publikë dhe privatë.

Llogaritur në përqindje rezulton që 4.6 për qind e të testuarve kanë dalë pozitivë.

Aktualisht, raste aktive me koronavirus janë 14.501 persona.