Vdekshmëria në BE vazhdon të jetë më e lartë se para koronës

Në korrik kanë vdekur katër për qind më shumë njerëz se në të njëjtën periudhë të viteve para pandemisë. Rekordi ka qenë në nëntor 2020, me 40%

Numri i vdekjeve në Bashkimin Evropian ende  vazhdon të jetë mbi mesataren e viteve të mëparshme edhe pse nuk ka një dallim të madh.

Në korrik të këtij viti, kanë vdekur katër për qind më shumë njerëz sesa në të njëjtën periudhë të viteve para pandemisë korona, sipas të dhënave nga zyra statistikore e Eurostat me qendër në Luksemburg, shkruan srf.ch.

Megjithatë, vlerësimi nuk tregon se sa njerëz saktësisht kanë vdekur në të vërtetë si pasojë e infeksionit me korona, transmeton albinfo.ch. Të dhënat nuk bëjnë dallim midis shkaqeve të vdekjes dhe nuk dallojnë sipas gjinisë ose moshës.

Vdekshmëria e tepërt,e  shkaktuar nga korona, aktualisht është duke rënë në të gjithë BE -në.

Vlera më e lartë që nga fillimi i pandemisë ishte regjistruar në nëntor të vitit 2020, kur ajo ishte ngjitur në 40 përqind.

Pastaj, deri në muajin shkurt ajo kishte rënë në pak më pak se gjashtë për qind, para se të ngrihej përsëri në pranverë, përcjell albinfo.ch. Vlera më e lartë e këtij viti është arritur në prill, me 20 për qind më shumë vdekje se sa në kohën para pandemisë.

Që atëherë, shifrat në BE kanë rënë ndjeshëm, sipas rezultateve të statistikave.

---